ياليل هم رجعت شتريد وك ياليل سؤال وجواب ?? [الأرشيف]

عاشقة البكاء

03-06-2010, 04:53 PM

ياليل هم رجعت شتريد وك ياليل

من وحشتك شيبت و الحيل ما ظل حيل

مثل الرماد اشتعل و ابقى احترك كلي

من اذكر امي الصبح من تكعد تصلي

يردله : جواب

يا ما نصحتك انا , تذكّر شنساك

كتلك بلادك ذهب هو الذي سواك

و انت ابن هذا البلد لا تنكر الرباك

غشوك وصفوا الك دنيا و سعادة وخير

ما تدري شما هجر لازم يعود الطير

يردله : جواب

هسه انا وين اصبحت عنهم و وين اهلي

بس عين عندي بقت منهاالدموع تسيل

اشتاكيت لاهلى انا و لكعدت اخواني

و كلمة هلا و مرحبا بشفاف جيراني

يردله : جواب

شوداك لاهل الغرب شتسوي رحت هناك

من ترجع من الشغل منهو اليتلكاك

امك تحضر الغدة واختك تصبلك ماي

جاي انت من الشغل مية هلا بهالجاي

و كلشي محضر الك وكاوي لك هدومك

و ابنك يشبكك شبك و يشاركك نومك

يردله : جواب
شتاكيت لاهلي انا و لكعدة اخواني

و كلمة هلا و مرحبا بشفاف جيراني

ملعون هذا الزمن ليوين وداني

خلاني اخلص الوكت بالحسرة والياويل

يردله : جواب

تشوفهم بالغربكل واحد و ربعه

تكعد و مالك ربع و بعينك الدمعة

مو جنا نطلع سوه للجامع الجمعة

و الثوب ابيض حلو و من تمشي شمحلاك

اي لعد ما تكلي منوالوداك هناك

[CENTER]يردله : جواب
الليل بس يم هلي ثوب الفرح لابس

و محلاهه من تنسمع صفارة الحارس

زاد اهلي طيب يظل لو بس خبزيابس

و مكره زاد الغرب بالمنة و التذليل

يردله : جواب
ببغداد عدنا حلو لمن يصير غروب

عالجسر فوك الجسر تمشي انت والمحبوب

و دجلة تحضنك حضن و تحس العمر ما فات

و محلاهه لمت هلك وكاعد بالكريعات

يردله : جواب

شتاكيت انا لموطني و احسد اللي شافة

و لماي دجلةالعذب من تشربه تتعافه

يا ريت منه العسل لو رادن شفافة

و انا الكم شتاك يا جاي ابو الهيل

يجاوبه و هنا يحسمها

ولو تجي و تفتر بعد و تدخل على المنصور

طيبة و حنان و عشك و طيور احلىطيور

و العيدعدنا حلو والله يا عيدي

يله نقارن سوة و ايدك تظل بيدي

ايفل و برجه و هله و لندن و كل تكساس

يروحون فدوة و نذر لشارع ابو نؤاس :thread_bst::v9v9net_022:

الفتى الذهبي

03-06-2010, 06:22 PM

لكم هو جميل أن ألتقي بكم في حروف هدفها الكلمة الصادقة التي تخرج لكم من بين حنايا وجوانح القلب الذي يحمل الصدق والوفاء لأناس لم يرهم ولكنه عشق حروفهم وعشق الكتابة لهم , تتبعثر الحروف هنا وهناك لتجمع لكم أجمل الكلمات التي أتمنى أن تصل لقلوبكم نجتمع على حروف تحمل بين ثناياها الصدق والوفاء والمحبة لكم جميعا , فلنتقاسم الحروف ولنكن راقين في إنتقاء الحروف ولنزينها بكلمات تفوح منها أنقى وأجمل باقات الصدق والنصح ويفوح شذاها ليعطر الأسماع والقلوب وينير العقول بالكلمة والمعلومة واللوحة التي تخرج من بين حنايا وجوانح فكري لكم ... طبتم وطابت أيامكم كما تحبون